Author Kartik

कहाणियां दा घर बूढ़ी अम्मा कन्ने ढई गया, ओ बदामी कज्जल, यादां दे फुहारे संग बही गया.. हुण भी क्या साएं-साएं बगदियाँ कुल्लाँ ? हुण भी क्या मिटियाँ दी जगदियाँ चुल्लाँ ? हुण भी क्या शामी जो, दाणयां दा लगदा भट्ठा ? हुण भी क्या कटोरी सागे दी जो नौंण सजदा ? हुण भी क्या मक्की घराटेयाँ च पिसदी होंगी ? हुण भी क्या रस्सियाँ कुएं जो घिसदी होंगी ? हुण भी क्या गोलगप्पेयाँ च पुदीने दा स्वाद होंगा ? हुण भी क्या कंडेराँ दा घर आवाद होंगा ? हुण भी क्या पहला निबाला गाय जो दिंदे होंगे ? हुण भी क्या मुसाफ़िर टयाले दी छाँव थल्ले सोंदे होंगे ? हुण भी क्या किंब खट्टा-मिट्ठा स्वाद दिंदे होंगे ? हुण भी क्या जबरे खडू नालू बोडियाँ जाई नोंदे होंगे ? हुण भी क्या बुजुर्ग हुक्का खिचदे ? हुण भी क्या तूत गरने बिकदे ? हुण भी क्या चौबरेआं ते ताशाँ दी महफ़िल लगदी ? हुण भी क्या सरौं दे सिंगारें ने धरती फबदी ? हुण भी क्या पीपल दियां ने सजदा ? हुण भी क्या खुशियाँ च ढोल-नगाड़ा बजदा ? हुण भी क्या दुलंणा दी पालकी सजदी ? हुण भी क्या दुलंणा कलिरेयाँ च फबदी ? हुण भी क्या कीचड़े ने ...